Home / دلچسپ و عجیب / مچھلی نے مچھیرے کو لکھ پتی بنا دیا

مچھلی نے مچھیرے کو لکھ پتی بنا دیا

بھارتی میڈیا رپورٹ کے مطابق ریاست مغربی بنگال کے 24 پرگنہ میں پانچ ماہی گیروں کی ایک ٹیم سندرین کی ندیوں میں ماہی گیری میں مصروف تھی کہ ان کے ہاتھ اچانک دیوہیکل تیلیا بھولا مچھلی لگ گئی۔

تیلیا بھولا مچھلی کی لمبائی تقریباً 7 فٹ اور وزن تقریباً 75 کلو گرام بتایا گیا ہے۔

دیوہیکل مچھلی کو ساحل پر لانے کے لیے ماہی گیروں کو مشکلات کا سامنا کرنا پڑا، مچھلی پکڑنے کے بعد اسے ہول سیل مارکیٹ میں لے جایا گیا جہاں اس کی قیمت یتزی سے بڑھ گئی۔

رپورٹ کے مطابق تیلیا بھولا مچھلی 49 ہزار 300 روپے فی کلو کے حساب سے 36 لاکھ روپے میں فروخت ہوئی۔

مچھلی سے متعلق کہا جارہا ہے کہ پیٹ میں کچھ قیمتی وسائل ہوتے ہیں جس کی وجہ سے یہ اتنی مہنگی ہوجاتی ہے، وسائل کو مختلف اقسام کی ادویات اور دیگر اشیا بنانے کے لیے استعمال کیا جاسکتا ہے۔

برمن نامی ماہی گیر نے بتایا کہ وہ برسوں سے مچھلیاں پکڑ رہے ہیں اور ہر سال تیلیا بھولا مچھلی پکڑنے جاتے ہیں تاہم اس نے اتنی بڑی مچھلی پکڑنے کے بارے میں کبھی نہیں سوچا تھا۔

About Khabrnamcha

Check Also

دوران پرواز پیراگلائیڈرز آپس میں ٹکرا گئے، پھر کیا ہوا؟ بچے ویڈیو نہ دیکھیں

انقرہ: ترکی میں ایئرگیمز فیسٹول کے دوران دو پیراگلائیڈرز کا فضا میں ہی تصادم ہوگیا …